පහත තියෙන්නේ මේ දවස් වල වත්පොතේ සංසරණය වන ප්‍රචාරක පුවරු (meme) දෙකක්. සමහර අයගේ බිත්ති වල ඔය දෙකම තියෙනවා.
පළමුවැන්න හිරු ප්‍රවෘත්ති වලින් ගත්ත එකක්. මේ ගැනම 2022 අගෝස්තු 20 දින පළව ඇති ලංකාදීප පුවතකත් තිබෙනවා.
"රටේ විදේශ මුදල් අර්බුදයක් පවතින බව දැන දැනත් 2020 වර්ෂයේදී විවිධ අත්‍යාවශ්‍ය නොවන භාණ්ඩ (තොරම්බල් බඩු) ගෙන්වීම සඳහා ශ්‍රී ලංකා මුදලින් රුපියල් කෝටි 63477ක පමණක් මුදලක් වැය කර ඇතැයි පේරාදෙණිය විශ්ව විද්‍යාලයේ ආර්ථික විද්‍යා සහ සංඛ්‍යාන අධ්‍යයන අංශය කළ අධ්‍යයනයකදී තොරතුරු හෙළිවූ බව එහි මහාචාර්ය වසන්ත අතුකෝරල මහතා ඉරිදා ලංකාදීපයට පැවැසීය.
මෙම භාණ්ඩවලින් වැඩි හරියක් අත්‍යවශ්‍ය නොවන සහ මෙරටදී නිෂ්පාදනය කළ හැකි ඒවා බව පැවසූ මහාචාර්යවරයා මෙම අනවශ්‍ය භාණ්ඩ ගෙන්වීමට වැයවූ මුදලින් තෙල් නැව් 100 කට ආසන්න සංඛ්‍යාවක් ගෙන්වීමට හැකියාව තිබූ බවද ප්‍රකාශ කළේය."
කරුණු විකෘති කර වාර්තා කර නැත්නම්, මේක ඉතාම වැදගත් අධ්‍යයනයක්. දත්ත සංචිතයකින් ඔය වගේ සංඛ්‍යාලේඛණ ටිකක් ඇදලා ගන්න එකනම් සරල වැඩක්. අපෙන් කවුරු හරි ප්‍රශ්නයක් ඇහුවහම අපි ප්‍රතිචාරයක් දමන්නේත් ඔය වගේ දත්ත දිහා බලලා. ඒ වැඩේට විනාඩි කිහිපයකට වඩා යන්නේ නැහැ. ලොකු පුහුණුවක් අවශ්‍යත් නැහැ. නමුත්, පැන්සල්, පෑන්, මකන, තීන්ත, රිබන්, ඔලුව පීරන පනා, කොහු, ඉදල්, වතුර බෝතල්, සපත්තු, කුඩ, හිස් වැසුම්, සබන් ඇතුළු පවිත්‍රකාරක ද්‍රව්‍ය, සුවඳ විලවුන්, ක්‍රීම්වර්ග වගේ දේවල් ශ්‍රී ලාංකිකයින්ට අනවශ්‍ය දේවල් කියලා හොයා ගන්න එක ඊට වඩා ගොඩක් අමාරු, සංකීර්ණ වැඩක්.
ලංකාව දරුණු ආර්ථික අර්බුදයකට මැදි වී ඉන්න වෙලාවක රටේ ප්‍රධාන විශ්ව විද්‍යාලයක් විසින් මෙවැනි වටිනා අධ්‍යයනයක් කිරීම අගය කළ යුතු දෙයක්. ඒ වෙනුවෙන් විශාල කාලයක් හා මුදලක් වැය කළා විය යුතුයි. මම හිතන්නේ මේ වැඩේ කරන්න ඇත්තේ විශාල ශ්‍රී ලාංකිකයින් පිරිසක් අයත් වන නියැදියක් තෝරා ගෙන කරපු සමීක්ෂණයකින් විය යුතුයි. ලැයිස්තුවේ තියෙන දේවල් අනවශ්‍ය දේවල් බව ඒ ගොඩක් අය කියන්න ඇති. එහෙම නැත්නම් ඔය වගේ නිගමනයකට එන්න අමාරුයිනේ. අවාසනාවට අදාළ අධ්‍යයනය මගින් ශ්‍රී ලාංකිකයින්ට අනවශ්‍ය භාණ්ඩ ලැයිස්තුව සොයාගත් ක්‍රමවේදය ගැන ලංකාදීප වාර්තාවේ නැහැ. ඒ ගැන දැනගන්න පර්යේෂණ පත්‍රිකාව කොහේ හෝ පළ වෙනකම් ඉන්න වෙනවා.
අදාළ පර්යේෂණ වාර්තාව මට කියවන්න නොලැබුනත් ආණ්ඩුවට සම්බන්ධ කවුරු හෝ කෙනෙක් හෝ පිරිසක් විසින් කියවා තිබෙන බව පේනවා. එහෙම නැත්නම් එවැනි වෙනත් අධ්‍යයනයක් කරලා හෝ පරිශීලනය කරලා තිබෙනවා. ඒ අනුව, තවත් ආනයනික භාණ්ඩ 300ක් රටට ආනයනය කරන එක තහනම් කරලා. අදාළ පර්යේෂණ මගින් කරපු සොයාගැනීම් නිවැරදිනම් එහෙම කරපු එකේ වරදක් නැහැ.
හැබැයි දෙවන ප්‍රචාරක පුවරුවේ තියෙන්නේනම් වෙන කතාවක්. ඒ අනුව, "රජයට අත්‍යාවශ්‍ය නොවන මිනිසුන්ට අත්‍යාවශ්‍ය වන භාණ්ඩ 300ක්" තහනම් කරලා. ඒ කියන්නේ, පේරාදෙණියෙන් කරපු අධ්‍යයනය වැරදිද?
ඔය ලැයිස්තුව මමත් දැක්කා. මුල සිට අගටම කියෙවුවේනම් නැහැ. ඔය ලැයිස්තුවේ තිබෙන ගොඩක් දේවල් මටනම් පෞද්ගලිකව අත්‍යාවශ්‍යම දේවල්. එක උදාහරණයක් ටූත් ෆ්ලොස්. සාමාන්‍යයෙන් මම ලංකාවට එනකොට අනිවාර්යයෙන්ම වගේ ඇති වෙන්න ටූත් ෆ්ලොස් අරගෙන එනවා. ඒ වගේ තවත් දේවල් ගණනාවක් තිබෙනවා. නමුත් මේ ගොඩක් දේවල් ශ්‍රී ලාංකිකයින් බහුතරයකට අනවශ්‍ය දේවල් වෙන්න ඇති. ඕනෑම සංකීර්ණ ගණනක් මනෝමයෙන් හදන්න පුළුවන්නම් කැල්කියුලේටර මොකටද?
කොහොම වුනත්, අර පේරාදෙණියේ අධ්‍යයනයෙන් හොයා ගත් ශ්‍රී ලාංකිකයින්ට අනවශ්‍ය තොරොම්බල් බඩු ඇත්තටම ශ්‍රී ලාංකිකයින්ට අනවශ්‍ය බඩුනම් 2020දී ආනයනය කරපු බඩු තවමත් නොවිකිණී තිබිය යුතුයි. "රටේ විදේශ මුදල් අර්බුදයක් පවතින බව දැන දැනත්" කියා කිවුවට එහෙම එකක් ගැන 2020දී ලොකු කතාබහක් තිබුණේ නැහැනේ. ආණ්ඩුව, මහ බැංකුව ඇතුළු ගොඩක් පාර්ශ්ව විසින් කිවුවේ එහෙම ප්‍රශ්නයක් නැහැ කියලයි. ඒ නිසා, ඔය අනවශ්‍ය බඩු ගෙන්වීම ගැන ආනයනකරුවන්ට චෝදනා කරන්න බැහැ.
කියන කතාව ඇත්තනම් ඔය බඩු ගෙන්වපු ආනයනකරුවෝ ලොකු අමාරුවක වැටෙන්න ඇති. අනවශ්‍ය බඩු ගෙන්වලා විකුණන්නේ කොහොමද? විකුණුනේ නැති නිසා ඔය ගෙන්වපු බඩු තවමත් රට ඇතුළේ ඇති. ඒ නිසා, තව තවත් ඔය බඩුම ගෙන්වන එකේ කිසිම තේරුමක් නැහැ. අනෙක් අතට ඔය අනවශ්‍ය බඩු ගේන එක තහනම් කළා කියලා කිසිම බලපෑමක් වෙන එකකුත් නැහැ. ගෙනාපු බඩුත් විකුණාගන්න බැරිනම් කොහොමටත් කවුරුවත් ඔය දේවල් දැනටම වුනත් ගේන්නේ නැතුව ඇති. කවුරු වුනත් ව්‍යාපාරයක් කරන්නේ ලාබයක් ගන්නනේ.
පේරාදෙණියේ පර්යේෂකයින් විසින් සමීක්ෂණයක් කර හෝ වෙන ක්‍රමයකින් හොයාගෙන තිබුණත්, අනවශ්‍ය භාණ්ඩ ලැයිස්තුවක් හදන එක ඉතාම අසීරු, සංකීර්ණ වැඩක්. මොකද එක් අයෙකුට අනවශ්‍ය දෙයක් තවත් අයෙකුට අත්‍යවශ්‍ය දෙයක් වෙන්න පුළුවන්. ඒකෙම අනෙක් පැත්ත වෙන්නත් පුළුවන්. මම එක පාරක් ලංකාවට එද්දී බැටරි වලින් ක්‍රියා කරන විදුලි දත් බුරුසු ටිකක් ගෙනත් අසල්වැසියන්ට හා ඥාතීන්ට බෙදා දුන්නා. මොනවා හෝ පොඩි දෙයක් බලාපොරොත්තුවෙන් එන එය ඉන්නවනේ. පස්සෙයි දන්නේ ඒ එක් අයෙකුගේ කටේ එක දතක්වත් නැති බව!
කොයි තරම් හොඳ සැලසුම්කරුවෙකුට වුනත් මිනිසුන්ට අත්‍යාවශ්‍ය දේවල් හා අනවශ්‍ය දේවල් කියලා පාරිභෝගික භාණ්ඩ වර්ග කරන්න අමාරුයි. නමුත්, වෙළඳපොළ විසින් මේ වැඩේ ඉතාම සාර්ථක ලෙස කරනවා. විශේෂයෙන්ම උද්ධමනය ඉහළ මට්ටමක තිබෙන වෙලාවක ඕනෑම කෙනෙකුට තමන්ගේ අතේ තිබෙන සල්ලි වලින් කලින් මිල දී ගත් හැම දෙයක්ම මිල දී ගන්න බැරි වෙනවා. ඒ නිසා, ඕනෑම කෙනෙක් තමන්ට අත්‍යාවශ්‍ය දේවල් පමණක් මිල දී ගන්න පෙළඹෙනවා. හැබැයි ඒ අත්‍යාවශ්‍ය දේවල් එක් එක් පුද්ගලයාට සාපේක්ෂයි.
මේ විදිහට ගොඩක් අය තමන්ගේ මිල දී ගැනීම් තමන්ට අත්‍යාවශ්‍ය දේවල් වලට සීමා කරද්දී, අනවශ්‍ය කෙසේ වුවත්, අඩුවෙන් අවශ්‍ය දේවල් විකිණෙන එක අඩු වෙනවා. අනවශ්‍ය දේවල්නම් ඉතිං කොහොමටත් විකිණෙන්න විදිහක් නැහැනේ.
මේ වගේ වෙලාවක ලංකාවේ මිනිස්සු කොහොමටත් තමන්ට අඩුවෙන් අවශ්‍ය දේවල් මිල දී ගැනීම සීමා කරන නිසා එවැනි දේවල් ආනයනය කිරීම තහනම් නොකළත් ආනයන ඉල්ලුම විශාල ලෙස අඩු වෙනවා. ඒ වගේම, තමන්ට අවශ්‍යම දේවල් වලට පමණක් පරිභෝජනය සීමා කරන්න කියලා කවුරුත් නොකිවුවත් ඒ වැඩේ නිකම්ම වෙනවා. හැබැයි කිසිම දෙයක් සඳහා ඉල්ලුම නැත්තටම නැති නොවෙන්න පුළුවන්. මොකද රටේ විශාල පිරිසකට එතරම් අවශ්‍ය නොවන දෙයක් සුළු පිරිසකට අත්‍යාවශ්‍ය දෙයක් වෙන්න පුලුවන්. ඒ වගේ දෙයක් ආනයනය තහනම් කරනවා කියන්නේ බහුතරයේ රුචිකත්වය මත පදනම්ව සුළුතරයකට වෙනස් ලෙස සැලකීමක්.
කොහොම වුනත්, මේ වන විට රජයේ වගේම මහ බැංකුවේත් ප්‍රතිපත්තිය වී තිබෙන්නේ තීරණ ගන්නා අයගේ රුචිකත්වය මත හෝ වෙනත් ක්‍රමයකට රටේ මිනිස්සුන්ට අවශ්‍ය දේවල් හා අනවශ්‍ය දේවල් වෙන් කර අනවශ්‍ය සේ හඳුනා ගන්නා දේවල් ආනයනය වැළැක්වීමයි. ඊට හේතුව, වෙළඳපොළට ප්‍රශ්නය විසඳන්නට ඉඩ දීම දේශපාලනික ලෙස ශක්‍ය නොවීමයි.
විණිමය අනුපාතය පාලනය කරමින් වුවත්, ඉතිරි ප්‍රශ්න විසඳන එක වෙළඳපොළට ඉඩ දුන්නොත් ඔය හැම දෙයක්ම සමතුලිත වෙනවා. හැබැයි එහිදී සමාජයේ පහළ ස්ථර මත වැඩි බරක් පැටවෙන එක නොවැලැක්විය හැකියි. ඒ හේතුව මත මේ වෙලාවේ ආණ්ඩුව විසින් සමාජවාදී ක්‍රමය තෝරාගෙන තිබෙනවා.
වෙළඳපොළට ඉඩ දෙනවානම් කීයට ගියත්, මිල ඉහළ යාම භාර ගන්න වෙනවා. එයට කැමති නැත්නම් තෝරා ගන්න වෙන්නේ සමාජවාදී ක්‍රමයයි. ඒ ක්‍රමය තුළ මිනිස්සුන්ට අවශ්‍ය දේවල් සහ අනවශ්‍ය දේවල් වෙන් කර හඳුනා ගන්නේ රජයයි. ක්‍රමය භාර ගන්නවානම් රජයේ තේරීම කට වහගෙන භාර ගන්න වෙනවා. රජයේ තේරීම බහුතර තේරීම නොවන විටක මිනිස්සුන්ගේ කට වහන්න අමාරුයි. නමුත්, රජය විසින් නියෝජනය කරන්නේ බහුතර රුචිකත්වයනම්, වෙනස් රුචිකත්වයන් ඇති සුළුතර කොටස් වලට ලොකු හානියක් වෙන එක නොවැලැක්විය හැකියි.
මගේ අදහස නම් අත්‍යාවශ්‍ය භාණ්ඩ ලයිස්තුවක් සකස් කොට අත්‍යාවශ්‍යම භාණ්ඩයේ සිට ආනයනය කල යුතුය. උදාහරණයක් ලෙස ඩීසල් සහ පෙට්‍රල් අතරින් ඩීසල් වලට ප්‍රමුඛත්වය ලබා දී ආනයනය කිරීමෙන් පොදු ප්‍රවාහනය සහ භාණ්ඩ ප්‍රවාහනය විධිමත් කල හැකිය. එමගින් අකාර්යක්ෂම පුද්ගලික වාහන භාවිතය සීමා කොට ජනතාව පොදු ප්‍රවාහනය භාවිතය සදහා යොමු කල හැකිය.
ReplyDelete'ඔය ලැයිස්තුවේ තිබෙන ගොඩක් දේවල් මටනම් පෞද්ගලිකව අත්‍යාවශ්‍යම දේවල්. එක උදාහරණයක් ටූත් ෆ්ලොස්. සාමාන්‍යයෙන් මම ලංකාවට එනකොට අනිවාර්යයෙන්ම වගේ ඇති වෙන්න ටූත් ෆ්ලොස් අරගෙන එනවා. ඒ වගේ තවත් දේවල් ගණනාවක් තිබෙනවා. '
ReplyDeleteඉතිං? ඉකොනෝමැට්ටාට මොකද ඔහොම ලංකාවට එන්නේ? ඇමරිකාවටම වෙලා හිටියා නං ඉවරනේ. මොකද මේ මුළු දවසෙම ලංකාව දිහා බලාගෙන, එකේ නිවුස්, රුපවාහිනී වැඩසටහන් බලාගෙන ඇමරිකාවට ගියත් එහෙත් ලංකාවක් හදාගෙන ජීවත් වෙන්නේ. ලංකාව හරි යන්නේ නැති නිසානේ දාලා ගියේ, ආයේ මොකද ඉතින් ලංකාවේ තත්වය ගැන හැමදාම ලිපි දාන්නේ?
ලංකාවේ විදේශ සංචිත වැඩි කර ගන්න කිසිම ප්ලෑන් එකක් නෑ නේද ඉකොනොමැට්ටා?
ReplyDeleteඅර ධම්මික පෙරේරා ගෙනාව යෝජනා ගැන මොකක්ද හිතන්නේ ඒවත් අසාර්ථක විය හැකි ද?
තව දුරටත් දේශීය වශයෙන් රජයේ වියදම අඩු කර ගත හැකි බව පේනවා නේද? ඔබ මේ ප්‍රකාශය දැක්ක නේද?
"හලනවනං රාජ්‍ය සේවයේ ලක්ෂ 5ක් හලන්න පුළුවන්. එහෙම වුණා කියල රාජ්‍ය සේවය වැටෙන්නෑ...! කිසිම වැඩක් නැතුව ලක්ෂයක් නිකං ඉන්නෙ - මායාදුන්නේ (ලේකම්තුමා)"
මට මතක විදිහට දැමමේ හරියටම කරපු ප්‍රකාශය නෙවෙයි ඒත් මූලික වශයෙන් ඕකේ අදහස් නිවැරදියි මොකද ගැන පැහැදිලි කිරීමක් කරන්න පුළුවන් නම් හොඳයි ඔබේ ආර්ථික විද්‍යා දැනුම යොදාගනිමින්
උපහාසාත්මකව ඒ සමීක්ෂණය ගැන ලියල තියෙන විධිහට හිනා ගියා. ඇත්ත තමයි. ඒ දත්ත කොහෙන් ගත්තද කියල ෂුවර් නැහැ. අනවශ්‍ය භාණ්ඩ තියනව. 4x4 වාහන අවශ්‍ය නැහැ. එතනින් පටන් ගන්න ඕනේ. කලිසම් බෙල්ට් ලංකාවේ නිපදවන්න පුළුවන්. ඒ වගේ ඒවා ආනයනය අවශ්‍ය නැහැ.
ReplyDeleteලිපියම සම්පූර්නෙන්ම කියෝල ඉකොනොට ප්‍රශන්සා කරල මේ වගෙ කමෙන්ට් දාන කොට ඉකොනොට අත කපාගන්න හිතෙනව ඇති. වෙල්ඩන් අජ්ජා
Deleteමේ දවස්වල අත්‍යවශ්‍ය ආහාර මිල ගණන් යන විධිහට බෙල්ට් අනවශ්‍යයි නේද ඇනෝ, මිනිස්සු බෙල්ට් වැඩියෙන් තද කරගත්තොත් හොඳ නැහැනේ. දැන් හුඟක් කර්මාන්ත කඩා වැටිලා බඩු ආනයන කරන්නේ නැති නිසා, පරිගනික අමතර බඩු , ටිෂු නිෂ්පාදන අමුද්‍රව්‍ය , රෙදිපිළි කර්මාන්ත වලට අවශ්‍ය දේ.
Deleteඉකොනෝ දකින්න ඇති විදුලිබල හා බලශක්ති අමාත්‍ය කංචන විජේසේකර ලංකාවේ මාධ්‍ය සාකච්ඡාවක් පවත්වා අද මාධ්‍යවේදීන්ට පැවසුවේ දැනට 26,000ක් පමණ වන ලංකා විදුලිබල මණ්ඩලයේ වර්තමාන කාර්ය මණ්ඩලය හරි අඩකින් අඩු කළ හැකි බව, මේක ඇත්ත ද?
ReplyDeleteඒ වගේම තමයි සිපෙට්කෝ එක ගැනත් පොර ඔය වගේම ලොකු ටෝක්ස් ටිකක් දීලා තියෙනවා ඛනිජ තෙල් තොග ගබඩා පර්යන්තයයේ සිටින සේවකයන් පිරිස අතර සිටින 4,300 කට එහා ගිය සේවකයන් ප්‍රමාණය උපරිම වශයෙන් 500ක් දක්වා අඩු කළ හැකි බව ද එයින් දැනටමත් කෙරෙන ඔපරේෂන් කිසිම බාධාවක් නැතුව ඉතාමත් සාමාන්‍ය වශයෙන් පවත්වාගෙන යාමට පුළුවන් බවත් දැඩි ලෙස විස්වාසයක් සහිතව පැවසුවේ තමන් මේ ගැන ඉතාමත් හොඳින් දන්නා බවත් පෙන්වමින් නමුත් මේ කතාවේ ඇත්තක් තියෙනවා ද මන්දා.
ඇමති කාංචන උන්නැහේ තවත් පැහැදිලි කළ කරුණු කාරණා අතර සේවකයන්ගේ කාර්යක්ෂමතාව වැඩි කිරීමෙන් ආයතනයේ මෙහෙයුම් ලාභය operational profit සෑහෙන දුරට ඉහළ නැංවීම කරන්න පුළුවන් තමන්ට අනිවාර්යයෙන්ම කල හැකි බවත් අකාර්යක්ෂම සේවකයන් හේතුවෙන් වෘත්තීය සමිති වර්ධනය වන බව ද ඔහු කියන්නේ ඒත් මටනම් හිතෙන හැටියට ඒක ප්‍රශ්න ගොඩක් ඇතිකරන්න ඉඩ ඇති බව මේ ගැන හිතන්නේ මොකද?
සරලවම කිව්වොත් මේ කියන කතා ඇත්තක් නම් ලංකාවේ සිපෙට්කෝ තෙල් සංස්ථාව, තෙල් තොග ගබඩා පර්යන්තය, විදුලි බල මණ්ඩලය කාර්යක්‍ෂම සේවකයන් සිටියත් බහුතරයක් අකාර්යක්ෂම බවත් සියලු රාජ්‍ය ව්‍යාපාර ප‍්‍රතිව්‍යුහගත කළ යුතු බවද අමාත්‍යවරයා අවධාරණය කරන අතරම එම ආයතන පහතට වැටී ඇත්තේ ආකාර්යක්ෂමතාව, දේශපාලන තීරණ, දේශපාලන පත් කිරීම නිසා බවද පවසයි.
කෙසේ වෙතත් ලංකාවේ රාජ්‍ය අංශය තුළ වැටුප් ලබාදීම දක්ෂතාවය අනුව සිදුකළ යුතු බව ඔහු තවදුරටත් කියා සිටි නමුත් වෘත්තීය සමිති මේ කතාව නිසා දැඩි ලෙස උරණ වී ඇමතිවරු තමන්ගේ පෆෝමන්ස් මුලින්ම හදාගන්න ඕන බව පවසමින් බැන වැදී ඇමතිවරයාගේ කතා දැඩි ලෙස විවේචනය කරමින් විරෝධය පළ කළේ.
ලංකාවේ බලශක්ති අමාත්‍ය කාංචන තමන්ගේ නිල ට්විටර් ගිණුමේ සටහන් තබලා තියෙනවා ඔබට වැඩි දුර විස්තර බලන්න පුළුවන්
කෙසේ වෙතත් මේ සම්බන්ධයෙන් වෘත්තීය සමිති වල නියෝජිතයන් ලංකාවේ ගෝල්පේස් එකේ අරගලයට සම්බන්ධ වාමවාදී කොටස් ජවිපෙ ජාතික ජන බලවේගයේ සාමාජිකයන් අති බහුතරය අනුර කුමාර ඇතුළු විශාල පිරිසක්, පෙරටුගාමී සමාජවාදී පක්ෂයේ ඉහළ නියෝජිතයන් මේ ගැන පවසන්නේ දැන් පාර්ලිමේන්තුවෙ 225 සහ ඇමතිවරු විශාල වශයෙන් පඩි ගන්න බැවින්උන් ඉන්නකං රාජ්‍ය ආයතන පෞද්ගලීකරණය කරන්න එපා ඉස්සෙල්ල පාර්ලිමේන්තුව එලවල ඉන්න කියන එක
ඒත් මේ මත දෙකෙන් ලංකාවේ කළ යුතු වඩා ප්‍රායෝගික විසඳුම මොකක්ද?
වෙළදපළ ආර්ථික ක්‍රමය ක්‍රියාත්මක කරන රටක් කියල බෝඩ් එකක් ගහ ගෙන නමුත් අපි කන්න ඹ්න මොනවද, අදින්න ඹ්න ජංගිය මොකක්ද කියල රජය විසින් තීරණය කරන රටක්......
ReplyDelete