වෙබ් ලිපිනය:

Monday, February 24, 2020

කෝවිඩ්-19 චීනයෙන් එළියට?


මේ වන විට කෝවිඩ්-19 වෛරසය ආසාදනය වූ පුද්ගලයින් ගණන 79,731 දක්වාත්, කෝවිඩ්-19 මරණ ගණන 2,627 දක්වාත් ඉහළ ගොස් තිබෙනවා. මේ ආසාදිතයින් අතරින් 97%ක් හමු වී තිබෙන්නේත්, මරණ වලින් 99%ක් පමණම සිදුව තිබෙන්නේත් චීනයේ. ඒ අනුව, මෙතෙක් කෝවිඩ්-19 වෛරසය බොහෝ දුරට චීනයට සීමා වෙලයි තිබුණේ.

මේ වෙද්දී ඉහත තත්ත්වය වෙනස් වී තිබෙන බවත්,  චීනයේ වෛරස් බිය ක්‍රමයෙන් තුනී වෙද්දී චීනයෙන් පිටත වේගයෙන් වෛරසය පැතිරෙමින් තිබෙන බවත් පෙනෙන්නට තිබෙනවා. එසේ කෝවිඩ්-19 වේගයෙන් පැතිරෙන ප්‍රධාන රටවල් තුනක් වන්නේ එකිනෙකට ආසන්නව නොපිහිටි දකුණු කොරියාව, ඉතාලිය හා ඉරානයයි.

ඊයේ දිනය තුළ දකුණු කොරියාවෙන් අලුත් ආසාදිතයින් 231 දෙනෙකු හඳුනාගෙන ඇති අතර අලුතින් කෝවිඩ්-19 මරණ දෙකක් සිදු වී තිබෙනවා. ඒ සමඟම, දකුණු කොරියාවේ කෝවිඩ්-19 ආසාදිතයින් ගණන 833 දක්වාත්, කෝවිඩ්-19 මරණ ගණන 8 දක්වාත් ඉහළ ගොස් තිබෙනවා. මෙය දිනක් තුළ ආසාදිතයින් ගණන 38%කින් ඉහළ යාමක්.

ඉතාලියේ කෝවිඩ්-19 ආසාදිතයින් ගණනද දිනක් තුළ 43% කින් එනම් 67කින් ඉහළ ගොස් අලුත් මරණ දෙකක් එකතු වී තිබෙනවා. දැන් ඉතාලියේ කෝවිඩ්-19 ආසාදිතයින් ගණන 224ක්ද, මරණ ගණන 5ක්ද වෙනවා.

කෝවිඩ්-19 වේගයෙන් ව්‍යාප්ත වන තෙවන රට ඉරානයයි. ඉරානයේ ආසාදිතයින් ගණන දිනක් තුළ 64 දක්වා 49% කින් ඉහළ ගොස් තිබෙන අතර ඉරානයේ ඉහළ කෝවිඩ්-19 මරණ අනුපාතයද කැපී පෙනෙනවා. ඊයේ දිනය තුළ සිදු වූ මරණ 4ක්ද සමඟ මේ වන විට ඉරානයේ කෝවිඩ්-19 මරණ ගණන 12ක්.

මීට පෙර සාර්ස් කොරෝනා වෛරසය නිසා වැඩිපුර මිය ගියේ චීන ජාතිකයින්. මර්ස් කොරෝනා වෛරසය නිසා වැඩිපුර මිය ගියේ මැද පෙරදිග කලාපයේ අයයි. කෝවිඩ්-19 මරණ ගණන, ආසාදිතයින් ගණන වගේම ව්‍යාප්තියත් පෙර අවස්ථා දෙකටම වඩා භයංකාරයි.


5 comments:

  1. මහත්තයා චීනයෙන් එළියේද වැඩ කරන්නේ ?

    ReplyDelete
  2. ඊයෙ එක තැනක සඳහන් වුනා සමහර රෝගීන්ට කෝවිඩ් ආසාදිත රටවල් හෝ ඒ රටවල සංචාරය කළ පුද්ගලයන් සමඟ මොනමාකාරයේ හෝ සම්බන්ධයක් නොමැති බව. ඒ කියන්නෙ කෝවිඩ් වෙන තැන් වලිනුත් මතුවෙනවා වගේ.. ඒක බොහොම භයානක තත්ත්වයක්..

    ReplyDelete
  3. ඇත්තටම ඇතැම් අය මේ ගැන කියන්නේ මේක ඇමරිකන් කුමන්ත්‍රණයක් මගින් ක්ෂණිකවම ඇතිකළ ජෛව අවියක් ලෙස භාවිත කරන්න පුළුවන් දෙයක් බවත් ලංකාවේ ද මෙවැනි අත්හදා බැලීම් සිදු කරන්න උත්සාහ කරන බවත්ලු. ඇත්තටම මේ තර්කයේ ඇත්තක් ඇතැයි කියලා විස්තර කරන්න පුළුවන් ද ඉකොනො?

    ReplyDelete
  4. අපි නම් ගමම එකතු වෙලා පිරිතක් කියලා හැම ගෙදරකටම පිරිත් පැන් ඉස්සා. තව, බස් එකේ යනකොට ඉන්දික මහත්තයට කියලා ජීවම් කරගත්තු සුරයක් පළඳිනවා. අපි නම් බය නෑ කොරෝනා (කෝ විඩ් 19) වලට...

    ReplyDelete
  5. හැමදේම ආර්ථික සාධක ඔස්සේ බැලීම කසිකබල් මාක්ස්වාදී ක්‍රියාවක් යන නලීන්ද සිල්වා මහතාගේ ඔවදන අනුව යමින් අපි මේ අදහස නිෂ්ප්‍රභා කරනවා

    anthoniyo ජගත් පතිරණ bahijata

    ReplyDelete

මෙහි තිබිය යුතු නැතැයි ඉකොනොමැට්ටා සිතන ප්‍රතිචාර ඉකොනොමැට්ටාගේ අභිමතය පරිදි ඉවත් කිරීමට ඉඩ තිබේ.

වෙබ් ලිපිනය: