Sunday, November 10, 2019

උපවාස ත්‍රස්තවාදය හා උපවාස නාටක


සහශ්‍ර අභියෝගිතා ගිවිසුමට එරෙහිව උපවාසයක් ආරම්භ කළ උඩුදුම්බර කාශ්‍යප හාමුදුරුවෝ හැරෙන තැපෑලෙන් උපවාසය අවසන් කළා. දැන් ඉඟුරුවත්තේ සුමංගලනම් හිමි නමක් ගෝඨාභය රාජපක්ෂගේ ඇමරිකන් පුරවැසිකම අත්හැරීම පිළිබඳ ලේඛන පෙන්වන මෙන් ඉල්ලමින් උපවාසයක් ආරම්භ කර තිබෙනවා. දින තුනක් ඇතුළත අදාළ ලේඛන පෙන්වනු නොලැබුවහොත් ගිණි තියාගෙන මැරෙන බවත් කියනවා.

මේ වගේ බොහෝ උපවාස රඟපෑම් පමණයි. නමුත්, එසේ නොවන අවස්ථාත් තිබෙනවා. 1987දී තිලීපන්ට මිය යන තුරුම උපවාසය අත්  හරින්න අවස්ථාවක් ලැබුනේ නැහැ. වසර කිහිපයකට පෙර බෝවත්තේ ඉන්දරතනනම් බෞද්ධ භික්ෂුවක් ගව ඝාතනයට එරෙහිව දළදා මාලිගාව අසලදී සිය සිරුරට ගිණි තබාගත්තා. දේශපාලන ඉල්ලීම් දිනා ගැනීමේ විකල්ප ක්‍රමවේදයක් ලෙස උපවාස යොදාගත් අය ගැන කතා කරද්දී මහත්මා ගාන්ධි නම අමතක කරන්න බැහැ.

උපවාස ගැන බොහෝ දෙනෙක්ගේ අදහස මෙය ඉතා අවිහිංසාවාදී වැඩක් කියන එකයි. වෙනත් විරෝධතා වලදී මෙන් උපවාසයකදී උපවාසකරු කළහකාරී ලෙස හැසිරෙන්නේ නැහැ. එහෙත්, උපවාසයක් වෙනත් විරෝධතාවයකට වඩා අහිංසක ක්‍රමයක් කියා කියන්න බැහැ.

එක පැත්තකින් උපවාසයක් කියා කියන්නේ සෘජු තර්ජනයක්. අනෙක් පැත්තෙන් උපවාසයක් හරහා හැම විටම වගේ කෙරෙන්නේ විශාල පිරිසක් තුළ වෛරී හැඟීමක් ඇති කරන එකයි. උපවාස ඇතුළේ තිබෙන්නේ ත්‍රස්තවාදයක්. උපවාසකරුවෙකු කරන දෙය හා මරාගෙන මැරෙන බෝම්බකරුවෙකු කරන දේ අතර ලොකු සංකල්පීය වෙනසක් නැහැ. බැලූ බැල්මට එකක් වඩා අහිංසක ක්‍රියාවක් සේ පෙනුනත්, දෙකෙන්ම වෙන්නේ තමන්ටත් හානියක් කරගෙන තවත් විශාල පිරිසකට හානියක් කිරීමයි.

හැබැයි ඒ ඇත්ත උපවාස. බොහෝ විට දකින්න ලැබෙන්නේ උපවාස සේ හඳුන්වන ව්‍යාජ රඟපෑම්. මේවා සමාන කළ හැක්කේ මරාගෙන මැරෙන බෝම්බයක් බැඳගෙන එය පුපුරවා ගන්නා බවට තර්ජනය කිරීමටයි. එසේ කරන කෙනෙකු බෝම්බය පුපුරා නොගත්තොත් පසුව නීතියෙන් ගැලවීමක් ලැබෙන්නේ නැහැ. එහෙත්, උපවාසයක් කරන අයෙකුට සාමාන්‍යයෙන් උපවාසය අත් හැරීමෙන් පසුව එවැනි නීතිමය ගැටලුවකට මුහුණ දෙන්න වෙන්නේ නැහැ. ඒ නිසා, උපවාස වඩා ප්‍රචලිතයි.

ගෝඨාභය රාජපක්ෂගේ ඇමරිකන් පුරවැසිකම පිළිබඳව ප්‍රතිවිරුද්ධ පාර්ශ්වයෙන් මතු කරන ප්‍රශ්නයට පිළිතුරු සැපයීම පහසු කටයුත්තක් නෙමෙයි. අදාළ කටයුතු නිසි පරිදි කරගෙන ඇත්තේ වුවත්, එය රට ඉදිරියේ තහවුරු කිරීම ගෝඨාභය පාර්ශ්වයට පහසු නැහැ. ඇත්ත ලේඛන පෙන්වුවත් ඒවා බොරු ඒවා බව බොහෝ දෙනෙක් හිතන්න ඉඩ තිබෙනවා. අවුල ඇති වුනේ ගෝඨාභය පාර්ශ්වය විසින්ම මුලින් ව්‍යාජ සහතිකයක් ඉදිරිපත් කර අතේ මාට්ටු වීම නිසයි. දැන් වෙලා තියෙන්නේ කොටි ආවෝ කතාව වගේ එකක්.

යම් හෙයකින් ඇමරිකන් තානාපති කාර්යාලයෙන් ප්‍රසිද්ධ ප්‍රකාශයක් කළේනම් හෝ ෆෙඩරල් රෙජිස්ට්‍රියක ගෝඨාභය රාජපක්ෂගේ නම තිබුනේනම් ඔහුට අවුල ලිහා ගන්න තිබුණා. නමුත්, දැන් ඒ දෙකම වෙන්න ඉඩක් නැහැ. ඒ නිසා වැඩේ සංකීර්ණයි.

මේ වෙලාවේ ඉඟුරුවත්තේ සුමංගල හිමි වගේ කෙනෙකුට උපවාසයක් ආරම්භ කරන්න ඇරලා ඒ පිළිබඳව විශාල අවධානයක් යොමු වුනාට පස්සේ ගෝඨාභය රාජපක්ෂ ඒ හාමුදුරුවන් වෙත ගිහින් තමන් සතුව තිබෙන ලේඛන පෙන්වීමෙන් පසුව හාමුදුරුවන් විසින් ප්‍රකාශයක් කර උපවාසය නැවැත්තුවොත් ගෝඨාභය ගොඩ. වෙන්න යන්නේ ඒ වගේ දෙයක්ද කියන එක බලන්න දවස් දෙක තුනක් ඉන්න වෙනවා.

10 comments:

  1. https://www.vikalpa.org/?p=36105

    අපූරු ලිපියක් ලැබුනා
    සජිත්ට චන්දෙ දෙන්න හිතන කතෝලික සිංහලයෝ ඉන්නවානම්
    එයාව ජනාධිපති කරගෙන උඹලගේ ආදායම්මාර්ිග විනාශවුනා කියලා අඬන්න එපා.

    ReplyDelete
  2. සමහර විට මේ නරි නඩලන් බලන අන්තිම අවස්ථාව මේක වෙන්න පුළුවන්. වැඳගත් ආණ්ඩුවක් යටතේ මේවගේ මල කෝලන් බලන්න වෙන්නේ නෑ අපහු. කොහොම හරි ලංකාවේ කොමඩි වලට නම් දරා ඇති එක්සත් ජාතික පක්ෂය සහ සිරිසේන වගේ අය බලයට පත් වෙන එකක් නෑ තව 25 ස් අවුරුද්දකට වත්. කැපුවත් කොළ එජාපයේ ජෝකර් බ්ලොග ලියනරාලලාට මේ දවස් වල රජ මගුල් ��

    ReplyDelete
  3. දෙවෙනි ඡේදයේ දළදා කියන වචනය ලියවිලා තියෙන්නේ දළලා කියලා.නිවැරදි කරොත් හොඳයි.

    ReplyDelete
  4. තව දවස් දෙක තුනකින් ඉඟුරු වත්තෙන් කියාවි මට අරව දෙනව කිව්ව මෙව්ව්ව දෙනව කිව්ව ඒ නිසයි මම එහෙම කලේ කියල.... උං මාව රැවැට්ටුව කියලත් කියාවි... මල කෝලම්

    ReplyDelete
  5. කපටි මරාගේ මිනිමෝර මලයණ්ඩි බයගොතයා ආරක්ෂක ලේකම් ධුරය දරණ සමයේ දී සුදු වෑන් පැහැර ගැනීම් සිදු වූ බවට පවසමින් එම වෑන් රථයක රියදුරකු ලෙස සේවය කළේ යැයි පැවසූ පුද්ගලයා විසින් පැය 1 1/2 ක මාධ්‍ය සාකච්ඡාවක් පවත්වා සිදු කර ඇත්තේ සම්පූර්ණ අසත්‍ය අසාර්ථක රගපෑමක් බවට තොරතුරු වාර්තා වෙයි.

    එදා ඇමති රාජිත සේනාරත්න සමඟ ඔහු මාධ්‍ය හමුවේ පෙනී සිටියේ බොරැ රැුවුලක් හා උපැස් යුවලක් පැලගෙන බවටද තොරතුරු ඇත.

    මෙම පුද්ගලයා සුදු වෑන් රියදුරකු බව පවසමින් මාධ්‍ය හමුවේ පෙනී සිටිය ද ඔහු රියදුරු ලෙස වසර ගණනාවක් තිස්සේ කටයුතු කරන්නේ ස්වදේශ කටයුතු අමාත්‍යංශයේ බවට වාර්තා වෙයි.

    එම මාධ්‍ය හමුවේ දී තමන්ගේ නම ප්‍රනාන්දු ලෙස සඳහන් කළ ද ඔහුගේ සැබෑ නමද එය නොවන බවද සදහන්ය.

    ඇමති රාජිත සේනාරත්නගේ ලේකම්වරයකු ගේ නිවසේ නතරව සිට පසුවදා පෙරවරුවේ මාධ්‍ය සාකච්ඡාවට පැමිණ ඇත්තේ අදාළ පුද්ගලයන්ට බොරු රැවුල් සහ උපැස් එහිදී පැලදවීමෙන් පසුවයි. මේ ගැන ඉකොනො මොකක්ද කියන්නේ?

    ReplyDelete
  6. කෙරවලපිටියේ සිට ගෑස් පටවන් එන ලොරි වලට කෙලින්ම දකුණු ලක බලා යෑමට හැකිවන පරිදි කඩවත කෙරවලපිටිය අධික වේගී මාර්ගයක් සාදා ව්වෘත කෙරු අතිගරු අගමැතිතුමාට ගෑස් පටවන් එන ලොරි එලවන රියදුරන්ගේ ආචාරය. දැන් බලන්න ගෑස් පටවන් එන ලොරි කඩවත හුවමාරුව හරහා ගිනිකාගෙන දකුණු ලක දෙස යන උජාරුව. මහත්තයා අගමැතිතුමාගේ ආණ්ඩුවටද ජන්දේ?

    ReplyDelete
  7. චීවරධාරීන්ට දේශපාලනේට මැදිහත් වෙන්න එපා කියලා ගිහි අපටත් උපවාසේ කරන්න වෙයි වගේ!

    ReplyDelete

මෙහි තිබිය යුතු නැතැයි ඉකොනොමැට්ටා සිතන ප්‍රතිචාර ඉකොනොමැට්ටාගේ අභිමතය පරිදි ඉවත් කිරීමට ඉඩ තිබේ.